ఎదురుచూసేది దేనికోసం ?

ప్రతి సాయంత్రం మన కలయిక కోసం కలవరిస్తానెందుకో
రోజంతా ఆగని ఆలోచనల మధ్య నీ కోసం వెతుకుంటానలా
ప్రతీక్షణం నువ్వేమి చేస్తూంటావోననే ఆలోచన ఆగని అలల్లా
మనమిద్దరమే ఉన్నపుడు మాత్రం పదాలు ఏవీ అర్ధం కావు నీలా
నీవు దగ్గరయ్యే కొద్దీ మళ్ళీ దూరమవుతామేమోనని భయం
అలాగని దూరమయ్యేకొద్దీ నేనుండలేననే నిజం ఇంకా భయం
నిజం చెప్పు నువ్వూ నేనూ ఎదురుచూసేది దేనికోసం ??
చుట్టూ ఎవరూ లేని మనకే చెందిన కాలం కోసం కాదా??