కలల బేహారి

కలకలమని నవ్వులను చుట్టూ పంచుతూ కలలెన్నో పెంచుతావు
కలతనిదురను మిగిల్చి నా చిన్ని ప్రపంచంలో అలజడి రేపుతావు
మౌనంగా వుంటూ వలపెరుగని మనసుకు మాటలెన్నో నేర్పుతావు
ఆగి మాట వినమన్నా నీ దారిన నువు కదలిపోతూంటావు
కరిగిపోతున్న కాలంలో నేనెక్కడున్నానో తెలుపుతూంటావు
గిరిగీసిన బతుకువృత్తంలో కలిసి మెరిసిన చిత్ర్రానివి నీవు
నా మనసునంతా సొంతం చేసుకున్న కలల బేహారివే కాదు
ఊహలన్నీ రాజేసిన నులి వెచ్చని పలవరింతవు నీవు ...నిజంగా!!