ఓ కొత్త ఉదయపు ముద్దు కోసమేనా?

నిద్ర నాకెందుకు రాదు? నీకు తెలుసో లేదో
కలలకు రెప్పల ముద్దు కావాలి
రేయికి వెన్నెల ముద్దు కావాలి
సంద్రానికి తీరపు తడి శ్వాస కావాలి

మరి నాకో
నీ వెచ్చని ఒడి కావాలి మరి నీ నవ్వు కావాలి
నీ చేయి తగిలిన స్పర్శ నన్ను వెంటాడుతూందని
నీకు గానీ నీ మనసుకు గానీ ఏనాడైనా
తోచిందా మరి తోచినా .... దాచావా?
నే అడగని వరం నాకై వచ్చినప్పుడు నా హృదయం
నీ చప్పుడూ నీ నవ్వూ నీ మాటా పాటా
నా మది గదిలో దాచిన నీ వలపు తెరలు
ఏనాడైనా మన మధ్య ఓ కొత్త పరిమళాన్ని
సరికొత్త భావలను ఇస్తాయని నాకు తెలుసు
ఎందుకీ క్షణాలు నన్నూ నా నిద్రనూ నీ నుంచి
దూరం చేస్తున్నాయి? ఓ కొత్త ఉదయపు ముద్దు కోసమేనా?