నీ ఒడి కోరిన క్షణాన

నేనీ ఉదయం నీ పసిడి కాంతులని నీ జిలుగు వెలుగులను
నీ ముద్దులలొలికే సిగ్గుల బుగ్గలను నీ పెదాల దాగిన
తీయని నీ మాటలను నన్ను తాకనివ్వలేదని
నన్నూ నా మనసునీ సుఖాల తీరం వరకూ అలవోకగా
వెళ్దామని నీవు పిలిచే వరకూ నేను నిన్ను చూడలేదని
నీ నవ్వుల సందడి నే వినలేదనీ నువ్వు చిన్నబుచ్చుకోకు
నేను నా ఆలోచనల సుడిగుండంలో ముణిగానని
జీవనపోరాటంలో నేను విధినెదిరిస్తున్నాని నీకు చెప్పి
సేద తీరదామని నీ ఒడి కోరిన క్షణాన మన్నించవా ప్రియతమా