నీ కనురెప్పల మీద నిద్ర

నేను నీకు ఈ రాత్రి గుర్తురావడం ఎందుకనో తెలుసా
మన మనసులు ప్రతిక్షణం ఒకటేననీ నేను అంటే
నిన్న సాయంత్రం నువ్వునవ్వావు అవునా అంటూ
ఈ పున్నమి చంద్రుడు నీకూ నాకూ వెన్నెల ముద్దులు
పువ్వుల పుప్పొడితో కలిపి పంచాడు తన తీయని వెలుగుల్లో
ఆ జ్ఞాపకాల పొదరింట్లోని మన గుసగుసలని మరోసారి
నీకు గుర్తుచేసి తను మటుకు ఓ మబ్బుని వెదుక్కొని
అమాయకంగా నీ కనురెప్పల మీద నిద్ర నీడను పరిచాడు
అందుకే నేను నీ కలలోకి వెన్నల వన్నెలని, నవ్వుల పువ్వులనీ
ఏరుకొని నీ అందాలను వెతుకుతూ మెల మెల్లగా ఇమిడిపోతా